L'onn 2005 ha il chantun edì in med da geometria elavurà dal tuttafatg da nov. Il cudesch cuntegna la materia d'instrucziun da la 4. enfin 6avla classa e tracta las pli diversas tematicas da la geometria da la lingia sur il quader a furmas pli cumplexas. Plinavant cuntegna il cudesch in chapitel supplementar tar il tema Perspectivas ed illusiuns opticas. Il med vegn cumplettà d'in ordinatur cun var 160 fegls da lavur e soluziuns. La terminologia speziala da la geometria pon ins er telechargiar sco document separà.