Il cudesch «Viadi d’avust» tracta las davosas 48 uras dad Alice che vegn depurtada ad Auschwitz. Enfin a quel di d’avust n’aveva Alice savì nagut da las terriblas chaussas che capitan en Germania cun ils Gedieus. Ils creschids na l’avevan betg raquintà. Ma uss è ella sin «viadi» ad Auschwitz. Igl è in sgarschaivel viadi che na prenda nagina fin. Sco in animal smatgà en in vagun da vitgira vegn Alice confruntada cun las temas e las speranzas dals cumpraschuniers ed emprenda a conuscher la realitad che sia famiglia aveva vulì zuppentar dad ella. A la fin dal viadi n’è ella nagin uffant pli – ma ella na dastga tuttina betg vegnir creschida.