La biodiversitad e las cuntradas da l’artg alpin èn periclitadas. La natira vegn destruida u restrenschida sin in spazi adina pli pitschen. Il turissem e l’agricultura intensiva sa derasan adina pli fitg ed il patrimoni cultural svanescha. Per fortuna èn ils pajais dal territori alpin daventads conscients da quest svilup e cumenzan uss a reagir. Era Vus pudais reagir. Pussibilitai a Vossas scolaras ed a Voss scolars da scuvrir las Alps, questa regiun magnifica, a chaschun da la nova exposiziun ambulanta dal WWF Svizra. Ils uffants pon entrar en il Pandamobil cun ses decor fabulus e scuvrir là il mund alpin cun auters egls. Els vegnan sensibilisads per ils privels che smanatschan las Alps e la biodiversitad.