Telefonins multifuncziunals, gieus da computer u il «home cinéma»: questas novas medias cundiziuneschan il mintgadi da la famiglia Zappers. Enstagl ch’ellas faschessan la vita pli simpla e biala daventa tut be pli cumplitgà. Il tat n’ha betg pli il basegns da chapir quest nov mund. La mamma è preoccupada cun dumondas ecologicas ed il bab è surdumandà cun questa tecnica. Sulettamain ils uffants schongleschan las novas medias. La famiglia purtretada da Ernst e Noblet demussa in mund quotidian che ans fa bain mintgatant regurdar a situaziuns ord noss agen mintgadi.