Tranter 1945 e 1948 ha l’autura svedaisa Astrid Lindgren publitgà trais cudeschs cun las aventuras da Pippi Soccalunga. La figura da Pippi ed ils cudeschs èn daventads in success mundial, in classicher da la litteratura d’uffants. Dapi l’onn 2007 pon ins er tadlar aventuras da Pippi en versiun rumantscha, en furma dad in disc cumpact realisà dal Radio Rumantsch. Il disc cuntegna las suandantas istorgias: Pippi va a star en la Villa Babilonia, Pippi daventa tschertgarauba e fa part d’ina baruffada, Pippi fa gieus da tschiffar cun policists.