Xena Ruinatscha, la detectiva cun ferma bratscha, è ina detectiva suverana. Nagin e nagut na po impedir ella da chattar or la vardad e schliar ils cas. E mintgatant è perfin Baseli, ses partenari, in agid, sch'i sa tracta da chattar puspè glimajas sparidas u sch'ina banda da laders sto vegnir tschiffada... En il decurs dals onns 2004/2005 ha il Radio Rumantsch emess en tut 21 crimis da la detectiva Xena Ruinatscha. Ina schelta da sis cas è plinavant cumparida sco DC. Ils crimis, scrits da Manfred Veraguth, èn adattads per uffants da 7 fin 13 onns. Tar il DC existan 10 unitads didacticas.