L’acziun 72 uras è in project da la Federaziun svizra da las uniuns da giuventetgna. Il project sa drizza a giuvnas e giuvens che vulan metter la Svizra sin il chau. L’idea è uschè simpla sco fascinanta. Aifer exact 72 uras realiseschan uffants, giuvens e giuvnas en l’entira Svizra projects. Igl è medemamain ina cursa cunter il temp. Las participantas ed ils participants duain gudagnar quella cursa senza daners, dentant cun bler fantasia. Il pensum che las participantas ed ils participants han da realisar vegn communitgà pir al cumenzament da l’acziun. La realisaziun da questa idea pratica e sturna daventa durant las 72 uras in’aventura che vegn accumpagnada durant l’entir temp dals radios da la SRG SSR idée suisse.