«Sas ti tge mais che ha 28 dis?» – «Has ti pensà vi dal favrer?» – «Quai n’è betg la dretga resposta. Mintga mais ha 28 dis...» Uschia funcziunan las dumondas da spass. Quai èn quellas dumondas che stimuleschan tias cellas dal tscharvè e che procuran ch’ellas fiman. Dumondas da spass èn legras ma er in pau perfidas. In’entira retscha da dumondas da spass chattas ti sin la pagina dal Simsalabim. Sesa ensemen cun in ami u in'amia e laschai fimar voss chaus.

(Foto: Micky Aldridge from Finland / CC BY 2.0)