SCUVRAMUND – dossiers tematicsMAGLIACUDESCHS – blog da lectura

«Cafarnaum avant 2000 onns» è il terz tom d’ina seria da quatter cudeschs illustrads davart la vita dal temp da Jesus. El raquinta en maniera impressiunanta da la vita ed ovra da Jesus sco um creschì, illustrescha la vita da mintgadi en Galilea da quella giada e declera il messadi da Jesus. Il cudesch dat resposta a las suandantas dumondas dals uffants: Nua è Jesus da chasa? Èsi stà stgandelus cura che Jesus ha bandunà ses geniturs? Pertge èn ils pestgaders dal Lai da Gennesaret daventads pestgaders d’umans? Co celebrava la glieud ils cults divins en las sinagogas? Eran ils daziers nauschs umans? Pertge ha Jesus pudì gidar ils malsauns?