Sin lur pagina d'internet sa preschentan las «Puntistas» ed ils «Puntists» suandantamain: «Punts è l’unica gasetta da giuventetgna rumantscha dal mund. Entras la fusiun da las gasettas da giuventetgna «Talina» ed «Igl Zundrign» l’onn 1994 han ils giuvenils fatg in pass istoric en il moviment da la Rumantschia. Dapi lura dat Punts la chaschun a numerus giuvenils da leger ina gasetta da giuventetgna rumantscha. Punts dat dentant er la chaschun a giuvenils da far lur emprims experiments schurnalistics e da realisar projects naschids or dad ideas innovativas.» L'ultima ediziun da las Punts è cumparì il 2011, ma en l'archiv sut www.punts.ch pon ins leger vinavant ils singuls numers.