La Scola chantunala grischuna, sco Scola media publica dal Chantun, ha l’incumbensa statala da furmaziun e d’educaziun ed exequescha era quella. Ella resguarda la trilinguitad chantunala (tudestg, rumantsch e talian) cun far e realisar ses plan d’instrucziun. Ella offra las partiziuns gimnasi da lunga durada e gimnasi da curta durada, la scola media commerziala e la scola media propedeutica cun ina vasta purschida da roms d’elecziun (roms d’accent, roms cumplementars, roms da tscherna da professiun e roms facultativs). A basa da la lescha è la Scola chantunala grischuna la scola da referenza per las scolas medias privatas dal chantun Grischun. Il profil directiv serva sco basa per il svilup da la Scola chantunala grischuna.