L'onn 2004 è entrada en vigur la constituziun chantunala revidida totalmain. Er l'artitgel da linguas (art. 3) è vegnì amplifitgà considerablamain. L'anteriura versiun da l'artitgel da linguas (che datescha da l'onn 1880) renconuscheva il tudestg, il rumantsch ed il talian sco linguas chantunalas. Il nov artitgel da linguas renconuscha quellas er sco linguas uffizialas. Alura vegnan regladas las mesiras per mantegnair e promover il rumantsch e talian; plinavant determinescha l'artitgel las linguas uffizialas e linguas da scola da las vischnancas. Ils texts en agiunta documenteschan la discussiun davart l'artitgel da linguas.