Durant e suenter la segunda guerra mundiala ha la Svizra construì in mitos naziunal valitond surtut las ideas da neutralitad e resistenza ed ignorond per gronda part las tentativas da s’arranschar cun il terz Reich. L’affera da las facultads da persunas sparidas sin contos da bancas svizras ha dentant mussà ils onns novanta in auter maletg. Las bancas svizras eran en possess da facultads da victimas dal holocaust ch’ins n’aveva mai tschertgà seriusamain. Il scandal ha sfurzà la Svizra da repassar si'istorgia, sias tenutas envers las victimas dal reschim naziunalsocialist durant e suenter la guerra e da reflectar sur dals gronds profits ch’ella ha fatg sco pajais preservà da la guerra. [Tenor ideesuisse.ch].

(Foto: Chris ALC / CC BY-SA 3.0)