La China, il quart grond pajais dal mund suenter la Russia, il Canada ed ils Stadis Unis, è situada per part en l’Asia centrala, per part en l’Orient extrem. Per chinais ha la China num «Dschung Guò», pia «Pajais mesaun», resguardond la tradiziun chinaisa che vesa l'agen pajais sco il center dal mund. En mintga cas è la China il pajais il pli populà dal mund cun 1.3 milliardas abitantas ed abitants. Grazia a ses svilup economic enorm è la China sin buna via da daventar ina da las impurtantas pussanzas mundialas. La glista en agiunta resguarda dentant er la dumonda dals dretgs umans e da la suppressiun da minoritads etnicas.

(Foto: Jakub Hałun / CC BY-SA 3.0)