Il 1998 ha festivà la Svizra – e cun quai er il parlament – ses 150avel anniversari. Il cudesch preschent en dus volums è deditgà a quest giubileum. L’autur dal cudesch, il professer neuchâtelais Jean-François Aubert ch’è stà durant blers onns cusseglier naziunal e cusseglier dals chantuns, descriva en sia ovra entitulada «L’assamblea federala svizra dal 1848 – 1998» l’istorgia captivanta dal parlament. La relaziun tranter la regenza ed il parlament, il passagi da l’elecziun da maiorz e quella da proporz u l’ambient politic da l’assamblea federala èn be intginas da las tematicas da ses tractat da var 150 paginas.