«Davant mai s'avriva in mund da nundumbraivlas vias e pussaivladads. Pli che jau ma laschava purtar davent e pli che jau pudeva pertschaiver la situaziun reala che jau viveva dapi set onns da tschella vart da la punt dals refurmaturs. En il guaud era jau libra avunda per vesair che mia vita era ina praschun. Las entupadas cun Baseli m'avevan bain avert ils egls. Ma la veritabla clervesida survegn ins pir cur ch'ins serra ils egls. Cur ch'ins taidla il messadi da la feglia e senta co ch'ina nunstizzaivla brama ascenda il corp. Cur che l'olma garegia ed il spiert sa... e di: va!»