Herbert George Wells (per ordinari scursanì H.G. Wells) è stà in scriptur englais e piunier da la litteratura da science fiction. Wells, il qual era er istoricher e sociolog, ha t.a. scrit cudeschs tematics sco ‹History of Life and Mankind› ch’han cuntanschì ediziuns da milliuns exemplars. Ses pli gronds success ha el gì cun ses dus romans da science fiction ‹The War of the Worlds› (rumantsch: ‹La guerra dals munds›) e ‹The Time Machine›. Surtut en il territori da lingua englaisa èn però vinavant populars er numerus da ses romans realistics. [Tenor Vichipedia].