En il temp premodern era la democrazia in fenomen excepziunal e sa manifestava mo en stadis pitschens. Ils dretgs da cundecider sa limitavan als umens abels da prestar servetsch militar. Pir la democrazia moderna, ch’ha cumenzà a sa far valair suenter la Revoluziun franzosa, ha concedì ils dretgs politics sco emanaziun dals dretgs umans. Per l’istorgia da la democrazia è la Svizra particularmain interessanta, perquai ch’igl existivan en ses territori democrazias premodernas naschidas durant il temp medieval tardiv e perquai che la democrazia liberala moderna è s’affirmada gia cun la fundaziun dal stadi federal il 1848.

(Foto: PaterMcFly / CC BY-SA 3.0)