Seite drucken   Fenster schliessen
 
Calanda
Muntogna che s'extenda da Vaz Sut a Tumein

Il punct il pli aut dal Calanda è il Haldensteiner Calanda (2805 m). La spunda ost è ina cuntrada natirala e cultivada, fermamain segmentada. Bovas pli grondas èn idas giu a Favugn (1841-44) ed a Lantsch Sut (temp recent). En il temp medieval han existì pliras culegnas permanentas sin la spunda ost dal Calanda. Per ils onns 1588-1618 existan indizis d'ina miniera al Calanda. Tranter il 1809 ed il 1861 han ins explotà aur al sidvest da Favugn. Il 1891 è vegnida erigida la chamona Calanda da la secziun Rezia dal CAS (2073 m). Il 1969 han ins reintroducì cun success capricorns. [Tenor e-lir].

(Foto: Adrian Michael / CC BY-SA 3.0)



254 - 263 da 3627

 

chatta.ch