Las parts las pli veglias da l'edifizi (mir da tschinta) dateschan probablamain da la segunda mesadad dal 12avel tschientaner, ils edifizis periferics e la tur da l'entschatta dal 13avel tschientaner. Strassberg era la sedia dals signurs cun il medem num, attestads il 1253. Il 1275 appartegneva il chastè als baruns de Vaz, pli tard è el passà tras ierta als conts de Toggenburg per finir, suenter ulteriuras midadas da possess, en ils mauns da l'Austria. Il chastè da Strassberg è vegnì incendià durant la Guerra svabaisa (1499) ed è ina ruina dapi il 16avel tschientaner. [Tenor e-lir].

(Foto: Adrian Michael / CC BY-SA 3.0)