Las finamiras centralas dal Cussegl da l’Europa a Strassburg èn la protecziun dals dretgs umans ed il sustegn da la democrazia. Ma il Cussegl da l’Europa s’engascha er per la protecziun da las minoritads en l’Europa. La Svizra applitgescha dus decrets dal Cussegl da l’Europa che tractan tranter auter la situaziun dal rumantsch: La «Charta europeica da las linguas regiunalas e minoritaras» (ratifitgada l’onn 1997) e la «Convenziun da basa dal Cussegl da l'Europa per proteger las minoritads naziunalas» (ratifitgada il 1999).

(Foto: High Contrast / CC BY 2.0)