Las muras nairas derasadas en ils guauds da la Bassa sco zerclim na chatt’ins betg en il clima sitg da las muntognas. Qua crescha in’autra sort: la mura blaua. Tut è pli pitschen: la roma, la feglia, er las spinas e las coclas. Questas plantas cuvran ils urs da vias, da guauds ed uals. Pauca glieud enconuscha e clegia las muras blauas, cumbain ch’ellas n’han nagins verms e gustan fitg intensiv, surtut en furma cotga. Ma attenziun: betg scumbigliar ellas cun las coclas tissientadas da la rischalva verschlada. Quellas creschan il medem mument ed al medem lieu.

(Foto: 4028mdk09 / CC BY-SA 3.0)