En il center da questa preschentaziun stattan las pussaivladads da furmaziun superiura dal stgalim terziar, pia las scolaziuns che pon vegnir absolvidas suenter avair terminà il stgalim secundar II. Abstrahà da las scolas autas universitaras (che vegnan tractadas en in’atgna preschentaziun) cumpiglia il stgalim terziar las suandantas purschidas: furmaziun supplementara individuala, preparaziun per examens professiunals superiurs, scolas spezialisadas superiuras, scolas autas spezialisadas (sco er las scolas autas pedagogicas).

(Foto: Marketing htwchur / CC BY-SA 4.0 / cropped)