Las delegadas ed ils delegads da quest parlament professiunal vegnan elegids directamain da las burgaisas e dals burgais dals stadis commembers per tschintg onns. En il process legislativ da l’Uniun europeica preschenta il Parlament ubain ina posiziun consultativa ubain ha la medema cumpetenza da decider sco il Cussegl dals ministers. En il Parlament europeic n’existan naginas secziuns naziunalas, mabain sulettamain fracziuns politicas, en las qualas las deputadas ed ils deputads dals divers stadis cun sumegliantas posiziuns politicas s’uneschan. Las elecziuns sco talas vegnan dentant manadas tras a nivel naziunal.

(Foto: J. Patrick Fischer / CC BY-SA 3.0)