Sco mastral da Sviz era Werner Stauffacher gia vegnì baud en conflict cun ils Habsburgais, t.a. cun eriger per sai ina nova chasa. Suenter che l’uvestg da Constanza ha excommunitgà ils da Sviz attatgan els il 1314 sut sia direcziun la claustra da Nossadunnaun, sblundregian ils bains ecclesiastics e mettan en fermanza ils paders. Il chasti che Leopold da Habsburg aveva previs va la finala a finir a Morgarten en ina mazzacra da las truppas austriacas. La victoria dals schuldads da la Svizra Centrala marchescha il cumenzament da l’avanzament dals Confederads sco in factur da pussanza en l’Europa tardmedievala.

(Foto: Andreas Faessler / CC BY-SA 4.0 / cropped)