Il term «temp modern tempriv» u «temp premodern» designescha entaifer l’istorgia europeica l’epoca tranter il temp medieval tardiv e la vieuta dal 18avel al 19avel tschientaner. Tut tenor punct da vista sa lascha questa perioda istorica sutdivider en las suandantas epocas: Cumenzament da la renaschientscha (ca. 1350–1450); Epoca dals viadis d’exploraziun (1415–1531); Temp da la refurmaziun, dal schisma e da la confessiunalisaziun (1517–1648); Temp dal baroc (er numnà absolutissem) ed illuminissem (ca. 1650–1789); Revoluziun franzosa (1789–1815). [Tenor Vichipedia].