Il chantun da Neuchâtel è situà en la regiun geografica dal Giura. Il territori sa lascha divider en trais regiuns. Per lung dal Lai da Neuchâtel sa tira ina strivla da riva che vegn numnada le Littoral. Davosvart, quasi parallel tar il Lai da Neuchâtel, s’extendan duas valladas: la Val de Ruz che giascha en il nordost e la Val de Travers siutada en il sidvest. La terza regiun furma la planira auta da La Chaux-de-Fonds e Le Locle che cunfinescha en il nordvest cun la Frantscha.