Il Rain nascha al Lag da Tuma al pe dal Pez Badus (2344 m) e curra alura sco Rain Anteriur vers La Punt/Rehanau, nua ch'el s'unescha cun il Rain Posteriur ch'ha sia funtauna al Pez Valragn (3402 m). Al pe da l'Ellhorn a Fläsch banduna il Rain il Grischun per sbuccar alura en il Lai da Constanza e contonscher Basilea suenter 376 km tras territori grischun e svizzer. Cun ses affluents ils pli impurtants – il Glogn, la Rabiusa, l'Alvra, la Plessur e la Landquart – maina il Rain davent l'aua da dus terzs da la surfatscha dal Grischun. [Tenor e-lir].

(Foto: Adrian Michael / CC BY-SA 3.0)