Il Pez Russein, tudestg Tödi, furma ina muntogna marcanta (3614 m) al cunfin tranter ils chantuns Grischun (Mustér/Sumvitg) e Glaruna (Linthal). L'emprima ascensiun è succedida il 1824: ils dus chatschaders da chamutschs Placi Curschellas da Trun ed Augustin Biscuolm da Mustér han ascendì la muntogna, intimads da Pader Placi a Spescha. Il 1861 ha Rudolf Theodor Simmler da Berna ascendì il Pez Russein e sviluppà silsuenter l'idea d'in'associaziun dals amis da las muntognas; il 1963 ha el alura fundà il Club alpin svizzer. [Tenor e-lir].

(Foto: Albinfo / CC BY 3.0)