Bogn Tenigia è in bogn da cura a l'entrada en la Val Sumvitg. Il 1674 è vegnida construida la chaplutta e transfurmada la stiva da bogns en ina chasa per far bogns. Il 1882 è il bogn vegnì renovà per 30 giasts; ulteriurs edifizis èn vegnids construids ils onns 1892-96. Il 1911 è il bogn vegnì en novs mauns ma ha subì difficultads finanzialas a partir dal 1914. Il 1958 è il cumplex vegnì serrà suenter pliras renovaziuns. Il 1974 han ins avert il bogn nov, ma senza success; medemamain ils onns 1990.

(Foto: Adrian Michael / CC BY-SA 3.0)