Benedetg Dolf è naschì il 1918 a Ziràn-Reschen sco figl da l’enconuschent musicist e poet Tumasch Dolf. Benedetg ha studegià teologia e teoria da musica a Turitg. Ils onns 1943-48 è el stà plevon a Valendau e Sagogn; silsuenter ha el cuntinuà il studi da musica ed è daventà magister da clavazin ed orgla al Seminari scolastic a Cuira. Ils chantadurs enconuschan Benedetg Dolf surtut sco cumponist da numerusas chanzuns religiusas per orgla e da chanzuns en tudestg e rumantsch per chors d'uffants e da creschids.