Carli Scherrer è naschì a Trun il 1938. Suenter avair frequentà il Seminari da scolasts ha el dà scola en ses vitg nativ. Dal 1984 al 1997 è el plinavant stà collavuratur regiunal da la Lia Rumantscha. Carli Scherrer è vegnì enconuschent sco dirigent e cumponist da numerusas chanzuns rumantschas. Per si'activitad sin il champ da la musica rumantscha ha el retschet il 2009 il Premi da renconuschientscha dal Chantun.