Seite drucken   Fenster schliessen
 
Palestina
Sin via a la renconuschientscha sco stadi autonom

Il Territori Palestinais consista da la Strivla da Gaza e da radund 40 procent da la Cisjordania occupada da l’Israel. Var 130 stadis han renconuschì enfin uss il stadi Palestina proclamà il 1988 da la PLO (Organisaziun per la liberaziun da la Palestina). L’Israel, ils Stadis Unids e numerus ulteriurs stadis (dal vest) n’han anc betg fatg quest pass. Ils 29 da november 2012 ha la Palestina obtegnì il status d’observatur tar las Naziuns unidas. Quest success vegn valita sco emprim pass sin via a la commembranza a dretg cumplain.

(Charta: TUBS, Wikimedia Commons / CC BY-SA 3.0)



3447 - 3456 da 3627

 

chatta.ch