Suenter la sconfitta da l’armada franzosa il 1940 en Burgogna è in corp d’armada franzos sa retratg ils 19/20 da zercladur 1940 cun radund 43 000 schuldads sur il cunfin svizzer en il Giura ed è sa laschà discharmar ed internar. L’enviern 1940/41 èn ils Franzos ed auters fugitivs militars vegnids repatriads. Ina divisiun da Polacs cun ca. 12 000 schuldads, participada a cumbats en Frantscha cunter ils Tudestgs, è restada internada fin a la fin da la guerra. Var 10 000 Polacs (il rest era fugì sur ils cunfins) èn vegnids repartids sin set regiuns ordaifer il Réduit en mintgamai 10 fin 20 champs. [Tenor e-lir].