La Convenziun da Genevra davart ils fugitivs e la lescha svizra d’asil che sa basa sin quella defineschan il fugitiv sco «persuna che sa chatta per tema motivada da vegnir persequitada pervi da sia appartegnientscha ad ina razza, religiun, naziunalitad u gruppa sociala determinada u pervi da sia convicziun politica ordaifer il pajais, dal qual ella posseda la naziunalitad». En la lingua giuridica actuala da la Svizra designescha il term «fugitiv» il status dals esters dals quals la dumonda d’asil è vegnida respundida a moda positiva, cuntrari ad in «requirent d’asil». [Tenor e-lir].