L’istorgia d’art medievala sa lascha sutdivider en trais epocas stilisticas: l’art precristian e bizantinic, la preromanica e romanica, la gotica. Or da l’optica moderna ans cumpara l’art medieval magari ester ed inaccessibel. Sin l’emprima egliada pari sco sche las qualitads artisticas da l’antica fissan «degeneradas» en il decurs da la «stgirezza» dal temp medieval. La realitad è dentant in’autra: Per chapir l’art medieval èsi necessari da bandunar noss pensar e nossa perspectiva usitada e da penetrar en il mund mistic e plain simbolica dal cristianissem medieval.

(Foto: Gustau Erill i Pinyot / CC BY-SA 3.0)