Il di da Son Valentin che ha mintgamai lieu ils 14 da favrer vala en intginas terras sco di da l’amur. Las ragischs dal di da festa èn da chattar en la liturgia da la baselgia. Il di da Son Valentin festivav’ins en inqual baselgia l’arrivada da Jesus sco spus tar la nozza celestiala. Popular è il di daventà entras il commerzi cun fluras ed oravant tut pervi da la reclama entras ils flurists. Il di vegn maschedà cun usits tradiziunals sumegliant sco l’usit da halloween ch’è vegnì importà da l’Irlanda via ils Stadis Unids da l’America en ils onns 1990.

(Foto: Johntex / CC BY-SA 3.0)