Cun ses num renda la Fundaziun Schiller svizra omagi a Friedrich Schiller, l’autur dal Wilhelm Tell. Sia activitad consacrescha ella dentant exclusivamain a la litteratura producida actualmain en las quatter cuminanzas linguisticas da la Svizra. Ils pensums pli impurtants da la fundaziun èn stads fin il 2011: la distincziun d’ovras impurtantas da l’art litterara cun premis annuals; la surdada dal Grond premi Schiller mintga 4 fin 6 onns. Quel è ì ad in Rumantsch (Peider Lansel), trais Tessinais, tschintg Romands ed ad ina autura ed otg auturs da lingua tudestga. Dapi che la Confederaziun surdat premis naziunals da litteratura è la Fundaziun Schiller sa posiziunada da nov en in rom pli modest.