Stierva è in vitg a mantun che sa chatta sin la spunda sanestra da la Val d'Alvra inferiura. En il 12avel e 13avel tschientaner ha furmà Stierva il cunfin tranter il territori dals baruns de Vaz ed il Surmeir en possess da l'uvestgieu da Cuira. Il 1275 han ils de Vaz perquai laschà eriger il chastè da La Tor (abità anc oz) che serviva da sedia als signurs da Stürffis, attestads per l'emprima giada il 1312 ed extinguids en il 15avel tschientaner. Dapi il 2015 fa Stierva part da la vischnanca da vallada Albula/Alvra. [Tenor e-lir].

(Foto: Adrian Michael / CC BY-SA 3.0)