L'artist tudestg Ernst Ludwig Kirchner (1880–1938) è in dals exponents principals da l'expressiunissem. Il 1917 è el arrivà per l'emprima giada a Tavau nua ch'el è sa domicilià definitivamain il 1923. Entant che sias picturas dal temp da Berlin èn dominadas da la citad gronda cun scenas da las vias, da las fullas e da la hectica citadina, entra a partir dals onns 1920 la cuntrada muntagnarda svizra cun ses abitants en il center da sia creaziun. La monumentalitad dal mund muntagnard accentuescha el cun ina coluraziun spiritualmain perceptibla e cun duvrar surfatschas pli grondas. [Tenor e-lir].