L’emprima furma d’emigraziun enconuschenta è stada – ultra dals servetschs mercenars – l’emigraziun artisanala ch’aveva solitamain in caracter stagiunal ed era in’emigraziun prevalentamain masculina e periodica, quai vul dir ch’ils emigrads turnavan suenter in tschert temp puspè a chasa (Randulins, Schuobacheclers). L’emigraziun pli moderna, che cumpiglia omaduas schlattainas e tut las gruppas da vegliadetgna cun ina dimora definitiva a l’ester, è surtut in fenomen dal 19avel e 20avel tschientaner.