«La Svizra n’è betg stada propugnatura da la protecziun internaziunala dals dretgs umans». Quai declera Jon Albert Fanzun che ha perscrutà quest aspect da l'istorgia svizra cun il svilup global dal dretg en quest reguard suenter la Segunda Guerra mundiala: «In stadi che violava ses obligs areguard ils dretgs umans na pudeva betg pli sa referir al princip da la nunintervenziun». Ma gist la nunintervenziun era in axiom da la neutralitad rigurusa che la Svizra pratitgava, tant pli ch’ella ha aderì pir 1963 al Cussegl da l’Europa (CE) ed ha ratifitgà pir 1974 la Convenziun europeana per la protecziun dals dretgs umans e da las libertads fundamentalas. [Tenor LQ].