Las marcas postalas edidas da la Posta svizra furman in bel exempel co ch'il rumantsch grischun ha pudì avrir al rumantsch novs champs da preschientscha. Enfin il cumenzament dals onns 1980 cumparan ils texts sin las marcas postalas be en trais linguas; dapi l'introducziun dal rumantsch grischun vegn adina puspè er resguardà il rumantsch. Quai po esser en furma d'ina quarta varianta linguistica sin ina singula marca u schizunt sco atgna marca rumantscha entaifer ina seria da pliras marcas.

(Foto: tomislav medak / CC BY 2.0)