Tgi na vuless betg chapir meglier las novitads ch’ins survegn mintga di or dals chantuns ils pli giud via da noss mund globalisà? Tuttenina aud’ins d’in schabetg en Belize, Benin u Vanuatu. Nua diavelen è situà quel pajais? Co viva sia glieud? Tge linguatg(s) discurr’ins là? Svelt, il lexicon! Noss grondius lexicon en ventg toms, luschezza da nossa stiva! Ma tge donn! El è dal 1970 e n’enconuscha betg lezs pajais. Ins basegna pia in cudeschet actualisà che furnescha spert l’infurmaziun giavischada. Tals cudeschets datti. Buns exempels èn il «Fischer Weltalmanach» u l’almanac talian «Calendario Atlante De Agostini». [Tenor LQ].

(Foto: Gabi Schoenemann / pixelio)