Sch’ins navighescha tras la website da la Pro Specie Rara (PSR), arivan ins tar in tartuffel cun il num «Parli». El porta il numer intern KA-88 ed è rivà l'onn 1992 tar la PSR tras in Richard Gubler-Luzi da Winterthur. Quel ha er scrit in pitschen tractat che sa numna «Die älteste Kartoffelsorte von Graubünden». Lien vegnan ils «Parlis» descrits sco sort tardiva ma robusta che madira fin sin 1900 meters. Ella prosperescha il meglier en terra plitgunsch sitga e sabluniva che po schizunt er esser crapusa. Quai ch’ella n’ama betg è in terrain memia umid. Ma malgrà quellas qualitads ch’èn da grond avantatg gist per in chantun muntagnard sco il Grischun èn ils «Parlis» ina sort detg difficila fin chapriziusa. [Tenor ANR].

(Foto simbolica: Wolfgang Dirscherl / pixelio)