Seite drucken   Fenster schliessen
 
«Mobility CarSharing»
Rumantsch en il logo

Igl è ina pitschna chaussa, e tuttina èsi dapli che quai che bleras autras firmas svizras fan: Mobility resguarda en ses logo il rumantsch. «Nus essan ina organisaziun svizra, ed igl da bell’entschatta stà cler che nus faschain noss logo en las linguas naziunalas», di Monika Pirovino, la pledadra da Mobility. L’organisaziun saja staziunada en l’entira Svizra, e perquai resguardian ins tuttas quatter linguas. Mobility è la pli gronda organisaziun da car-sharing en Svizra. En radund milli citads e vischnancas metta ella a disposiziun autos da differents tips a ses commembers. Mobility è ina cooperativa, ma la purschida da Mobility po era vegnir utilisada da persunas che n’èn betg commembras.

(Foto: Albert Parés / CC BY-SA 3.0)



1 - 10 da 3627

 

chatta.ch