Il Grischun medieval cumpiglia ils tschientaners tranter il 500 ed il 1400, in'epoca che l'istoriografia grischuna designescha era sco «temp curretic» (Currezia). Il temp è segnà da la cristianisaziun e dal sistem feudal. La fundaziun da las lias – la Lia da la Chadé (1367), la Lia Grischa (1424) e la Lia da las Diesch Dretgiras (1436) – ha avert enturn il 1400 la porta al svilup republican. Quel ha manà l'onn 1524 a la fundaziun da la Republica da las Trais Lias.

(Foto: Adrian Michael / CC BY-SA 3.0)