Il Vietnam è in stadi da l'Asia dal Sidost. En il 10avel tschientaner ha il Vietnam cuntanschì l'independenza da la China. Silsuenter è il pajais vegnì guvernà da diversas dinastias ed è vegnì l'onn 1880 sut regenza franzosa. Conquistà l'onn 1941 dal Giapun, è il pajais vegnì dividì l'onn 1945 en il Vietnam dal Nord communist cun la chapitala Hanoi ed il Vietnam dal Sid sustegnì dal vest cun la chapitala Saigon. Suenter la Guerra dal Vietnam è il pajais vegnì reunì l'onn 1976 e Saigon è vegnì renumnà tenor il schef da stadi defunct dal Vietnam dal Nord en Citad Ho Chi Minh. [Tenor Vichipedia].

(Foto: Rungbachduong / CC BY-SA 3.0)