Il chantun Berna sa chatta en il center da la Svizra – là, nua che duas culturas sa scuntran. Tras quai ha el ina funcziun impurtanta da colliaziun per las parts tudestgas e franzosas dal pajais: in dals motivs, pertge che la citad da Berna – sco chapitala federala da la Svizra – è il center politic dal pajais. Sco chantun da turissem il terz grond da la Svizra porscha Berna era natira e cultura da renum mundial: La muntogna singulara enturn ils pizs renumads Eiger, Mönch e Jungfrau è vegnida recepida en la glista dal patrimoni natiral mundial da la UNESCO. Durant la stad e durant l'enviern carmala l'entira Part sura bernaisa mintga onn tschients e millis umans da tut il mund. [Tenor www.ch.ch].