Sin il Corn da Tinizong e sin il Piz Mitgel en il Parc Ela en Val d’Alvra èn vegnids chattads fastizs fossils da dinosaurs. I sa tracta d’ina spezia da saurs mundialmain da las pli veglias. Ils fastizs vegnan datads d’ina vegliadetgna da 200 enfin 210 milliuns onns. Er en il Parc naziunal, sin ina platta da crap stippa en la Val dal Diavel, han geologs scuvrì il 1961 passidas petrifitgadas da dinosaurs. Il 1981 han ins examinà e documentà detagliadamain quest chat sensaziunal.

(Foto: Savognin Tourismus im Surses / CC BY-SA 3.0)